ملوخيه مصريه على اصولها
ملوخيه مصريه على اصولها
الخطوات
- 1
بسم الله اول حاجه اول حاجه نحضر حله كبيره ونحط فيها ٢ معلقه سمنه كبيره وفيه بصلتين مقطعين وفصين ثوم و٢ فص حبهان ونقلبهم شويه
- 2
بعدين نحط الفرخه ونقلبها لحد مايتغير لونها ونضيف مايه وفلفل اسود وملح في الاخر ونتركها تستوي ونطفي وننشلها من الشوربه اول ماتستوي
- 3
طريقة الملوخيه بقي ننضف الملوخيه ونغسلها كويس اوي عود عود, وبعدين نقطفها ونسيبها تنشف وبعد ماتنشف خالص احطها في الكبه او الخلاط افرمها
- 4
وبعدين اجيب حلة الشوربه بعد ماشيلنا الفرخه نحط فيها ٢ فص ثوم و٢ معلقه كسبره وبصله ممروته بملح وفلفل اسود ومعلقة سمنه ونحط الملوخيه لو تقيله نزود شوربه ولو خفيفه نزود ملوخيه
- 5
بعدكده بقي التقليه او بمعني اصح الشهقه نحضر الطاسه واحط فيها معلقه سمنه و٢ فص ثوم مبشور ومعلقه كسبره كبيره واقلبهم شويه صغنين واطفي عليهم واهم حاجه متنسوش الشهقه طبعا عارفينها 😲🤗
- 6
اقدمها بجانب الارز وبألف مليون هنا
وصفات مشابهة
-
ملوخيه (مصري) ملوخيه (مصري)
#المطبخ_العربى_الاقوىاول مره اعملها فريش وطلعت جميله جدا اجمل من المجمد
-
طبق الملوخيه المصريه مع مخلل الباذنجان طبق الملوخيه المصريه مع مخلل الباذنجان
طبق الملوخيه المصريه المتين مع مخلل الباذنجان المشطشط#احنا المصريين....من الأكلات المصريه الجميله اللي ريحتها بس تجيب لآخر الشارع:) :) :)
-
وصفات ننصحك بمشاهدتها
التعليقات