منحط قطعتين توست فوق بعض ومنكبسن فوق بعض بقوة باستخدام الشوبك حتى يلتصقو ببعض ومنقطعن بشكل دائري

منجهز الحشوة عبارة عن دجاج مقطع مكعبات صغيرة منقليه بالزيت مع بصل و فليفلة ملونة مقطعين مكعبات صغيرة ومنضيف البهارات والملح

منغط قطع التوست اللي شكلناهن دائرة بالبيض والبقسماط

منقلين بزيت غزير ليشقرو ومنلاحظ انو نفخو

وهيك شكلن بعد القلي

بعد ما تجهز الحشوة منقطع كل حبة توست بالنص ليصير عندي جيبين منفتحن ومنحشين بالحشوة ومنقدر نضيف خس و كاتشب حسب الرغبة

ومنحطن بصحن التقديم وصحتين