اول شي نسوي البشاميل و لازم تكون سايحة اول شيء حطي زبدة و سيحيها على النار بعدين خذي ثلاث اكواب حليب سائل او بودرة مذوب بماء و نصبه على الزبده ثمن لما تشوفيها تغلي حطي عليها ملح و فلفل اسود و بهارات ايطالية و تخففي النار عليها و تذرين الدقيق عليها قوامها لازم يكون سايح تطفين عليها و تحطيها على جنب لحد ما تبرد و تحتاجيها و هذي هي البشاميل

الخطوة الثانية تسوي اللحمة اول تحطي البصل و الثوم المفروم و تشوحيهم على النار لحد ما يذبل تحطي اللحم المفروم و تشوحيه لحد ما يقلب لونه بعدها حطي الطماطم المفرومة و ملعقة كبيرة صلصة طماطم و ملح و كمون وفلفل و بهارات مشكلة و تصبي نص كوب اوكوب ماء عليها و اتركيها تغلي و لا تخليها ابدا تنشف لانها لو نشفت ما رح تستوي اللازنيا طفي النار عليها

نجي للصينية و نحط طبقة من البشاميل الى سويتيها و فوقها لازانيا وفوقها لحم و ننثر الجبنة الشيدر و بعدها موزاريلا و نكرر الحركة لحد ما تنتهي الكمية او تمتلي الصينية آخر طبقة الوجه يعني تحطي بشاميل و تنثري فوقها شيدر و موزاريلا

بعد ما تخلصي من الطبق دخليه للفرن لغاية ما تجف الماء من عليه اول شيء من تحت لغاية ما تنشف الماء و بعدين من فوق عشان تتحمر

تطلعينها من الفرن تخليها تبرد و لا تقطعيها لازم تبرد شوي عشان تتماسك و قطعيها و تقدم و التزيين انتي و شطارتك 🤭 و بالهنا و العافية 🌹