مثلثات الكنافة او عثملية وعش البلبل

باخد خصلة من الكنافة وبدهنها بلفرشاية بالسمنة وبحشيها بلقشطة وبلفها مثلث وبشد منيح واخر شي بخلي طرف الكنافة من تحت عشان ماتفتح معنا

لعمل القشطة عل البارد بدوب الحليب مع السميد والسكر والفانيلا والنشا بحطن عل النار وبتركن لا يشتد الحليب معنا بتركو يبرد وبخلط علبة قشطة معو مع ماء الزهر وبخليها بالبراد لا تسمك وتبرد

بقلاية عميقة بحط السمنة وبقلي الكنافة بخليها تتحمر بصفي السمنة الفائضة بشيلن وبسقين بلقطر وتزين بلفستق وتقدم

لعمل عش البلبل نفس الخطوات الاولى لاكن باخد خصلة الكنافة وبلفها على اصبعين وبحط حبتين فستق او عوجا وبصفن عصينية وبحط كمية سمنة وبحمي الفرن وبدخلن الفرن لا يتحمرو وبصفي السمن الفائظ وبسقين بلقطر وصحتين وهنا