سلقت المعكرونة بالماء فقط.. بعد السلق حطيتن بالمصفاية مع كمشة زيت زيتون وحركتن سوا مشان ماتتخبص وبتطلع اطيب.

للمعكرونة بلبن: هرست ٣ سنون توم ومعلقة ملح وكوب لبن وحركتن منيح وضفت المعكرونة... وعالوجه رشة بقدونس

للمعكرونة ببندورة: حمست البصلة بزيت نباتي و٣ سنون الثوم فقط ماكترت.. وضفت البهارات

قشرت البندورة وقطعتا مكعبات

وضفت دبس البندورة والبندورة المقطعة للطنجرة

وضفت بقدونس مجفف أنا جففته بالشمس وضفت بقدونس اخضر... كتييير طيب البقدونس المجفف

وحركتن سوا بالطنجرة مع كاسة ماء كبيرة

وبعدا رشة فلفل وكمون ناعمين

بس استوت البندورة ضفت المعكرونة

طبعا العكرونة عطولها دون تكسير

وتركتن يغلوا سوا

سكبت بصحن معكرونة ببندورة وعالوجه جبنة موزاريلا

ودخلتا عالفرن ٢٠ دقيقة من فوق فقط وعالوجه رشة بقدونس وليمونة

كتيييير طيبة

والمعكرونة ببندورة سكبتا وعالوجه رشة بقدونس

وصحتين وعوافي