صينية الباذنجان المحشي

بسم الله.. اول شي منقشر الباذنجان و نقطعه بشكل طولي ما يكون رفيع ولا خميل تقريبا كل حبة باذنجان بطلع منها 5 شرحات.. منملحهم و منستنى تنزل ميتهم و منقليهم بهالشكل لاخد اللون و نص استواء فقط

نضع السمنة و نحوس البصلتين حتى يشقرو ثم نضيف اللحمة لحتى تاخد اللون الباهت ثم نضيف الملح و الفلفل و نتركها على نار هادية حتى الاستواء

نحضر البندورة.. نضعها بمحضرة الطعام ما بحب خلاط المولينكس لانه بعملها سائلة انا بفضل تقطيع ناعم جدا و نضع معها رب البندورة ملعقتين حتى تصير بهالشكل.. بخليها نية لانه رح اصبها فوق الباذنجان و اطبخهم مع بعض

نبدا بصف الباذنجان بالصينية و نضع فوقها اللحمة و نسكرها بقطعة باذنجان اخرى شبيهة فيها

حتى تخلص الكمية.. طبعا كل بيت حسب عدد الاشخاص بتعملي الكمية يلي بترغبيها.. بهالشكل محشية و مغطية بقطعة شبيهة الها

نسكب فوق الباذنجان البندورة المقطعة كاملة حتى تغطيها بهالشكل.. هون حطيتها على الغاز لحتى تغلي و يتغير لون البندورة بتكون استوت طبعا بتملحيها و تفلفليها بالفلفل الاسود.. و نتركها..

بس استوت بتحمريها بالفرن حتى تعطي لون

وهون الشكل النهائي و منزينها بالبقدونس وصحة وهنا كتييير طيبة بنصحكم فيها 😋👍