بالمضرب الكهربائي نضرب البيض والفانيليا ثم السكر الناعم.. ثم الزيت ثم اللبن

ينخل الدقيق ونضيف إليه البيكنج بودر والملح.. ونضيفه للخليط السابق ونضرب كويس

باستخدام كوباية نقسم العجين. يعني نملاها مرة ونحط مقدار العجين في طبق ونملاها تاني ونحط في طبق غيره.. هيطلع معانا حوالي 4 أو 5 طبقات

نلون كل عجينة بلون.. وهنا ممكن نعمل احنا بنفسنا ألوان باستخدام الثلاث ألوان الأساسية اللي قولت عليهم

أحمر وأصفر = برتقالي أصفر وأزرق = أخضر أحمر وأزرق = بنفسجي وممكن نقلل ونزود في كمية اللون هيطلعلنا ألوان تانية كتير

أنا بالنسبالي مكنش متوفر عندي غير (أحمر وأصفر) فعملت منهم 4 ألوان

بعد ما نلون الخليط هنخبز كل كيكة لوحدها في صينية متوسطة فيها ورقة زبدة على درجة حرارة 180 هتاخد حوالي ربع ساعة للواحدة

بعدها لما يبردوا نحط كريم شانتيه بين كل طبقة ونلزقهم في بعض

وبعدين نزينها حسب الرغبة ممكن نلون بردو الكريم شانتيه بألوان الطعام.. ونضيف شوكولاتة مبشورة وفارمسيه

لو عندكم أولاد خليهم يشاركوكم في عملها هيفرحوا أوي وبالهناء والشفاء