دجاج محشي

اول شي بنملح الجاجتين من الداخل اشي بسيط

بمقلاية بنحوس البصلة شوية على النار مع شوية زيت وبنغسل كاستين الرز بدون ننقع بنحوسهم شوي مع البصلة وبنضيف الملح والفلفل والماجي

بنزيد كاستين شاي من الماء ولحتى الرز يشرب المي يعني بصير الرز نص استواء

بنحشي الجاجتين بالحشوة وبنسكرهم امنيح وبنسلقهم وبس يستووا بنحمرهم

بنفلفل رز بجانبهم ونحضر في السدر اوجاط التقديم شراك بنقطعه او رقاق موجود طريقته في وصفاتي وبنشربه بمرقة الدجاج

بنسكب الرز فوق الفت وبعدين بنضيف الدجاج بعد التحمير وبنزين بالمكسرات والبقدونس

بيكون في جانب الفت دايما جاط للشوربة للتشريب لحتي يكون الاكل طري وسهل في الاكل بنقدر نحط لبن وسلطات

وصحتين وعافية😙😍