نسلق المكرونة عادي جدا

تحطي زيت في حلة صغيرة و بعدين الثوم و البصل لحد ما ياخد اللون و تحطي عليها الفراخ لحد ما تستوي تنزلي بقي بالمشروم و الفلفل و تبتدي اكنك هتشوحيهم مع الفراخ و بعدين ب ١٠ دقايق كدة يكون المشروم استوي تنزلي بالكريمة و تقلبه و تحطي بقي بهاراتك حسب ما بتحبي بس اساسي (ملح و فلفل اسود)

لو مش متاح معاكي الكريمة اللباني ممكن تعملي انتي الوايت صوص بانك تضيفي في حلة معلقة و نص سمنه و عليها ٣ معالق دقيق و تقلبي لحد ما يبتدي ياخد الون الاصفر المذهب ده و بعدين تحطي اللبن حسب ما تحبي سمكها خفيفه او تقيله و بعدين تضيفي ٦ مثلثات جبنة نستو او كيري او اي جبنة مطبوخة او تحطي معلقة قشطة و تضيفي ملح و فلفل و كمون و تدوقي لحد ما تظبط وانا عن نفسي برجح الطريقك دي احسن من الكريمة اللباني المعلبة

بعدها بتكون المكرونة اتسلقت تحطيها في المصفي علي جنب و الوايت صوص في حلة تانية و تحطي المكرونة في طبق التحضير بيضة زي ما هي و تاخدي بقي بالمعلقة من الصوص و تحطي علي المكرونة في طبق التحضير ده افضل من انك تخلطيه بالمكرونة في حلة واحدة لانها بعد ما بتبرد بتعجن