نجيب حله ونحط فيها سمنه ونحمر فيها الكنافه زي الشعريه ونفضل نقلب لحد اما تبقى لونها ذهبي

نجيب أطباق او كوبيات ونحط طبقه كنافه ونرص الفاكهه من جوانب الطبق وبعد كده نحط الشوكولاته وبعد كده نحط طبقه كنافه ونزوق من على الوجه

وبالنسبه الشوكولاته انا عملتها في الخلاط جبت نصف كوب شوكولاتة خام وكوب لبن وحوالي كوب سكر بودره ونصف كوب زيت واخلطهم كويس جداً لحد اما تقل إن لسه خفيف أزود حبه زيت لحد اما يبقى قوامه حلو لا تقيل ولا خفيف

وممكن تسبدلي الشوكولاته بالكريم شانتي والأناناس بالفرواوله

وبالنسبه للكنافه بعد ما تتحمر وتاخد اللون الذهبي نحط عليها شربات بس ميكونش سكره زيادة عشان الشربات هيخليها تتماسك ونتحكم فيها واحنا بنحطها في الاطباق او الكوبيات