ننقع البرغل بالماء ساعة بعدين منطحنو بمطحنة الكبة ومنطحن معو بصلة ومنضيف نص كاسة الطحين ومنعجن كتيييير منحطا على جنب

منحضر حشوة الكبة

منبرش بصلة او منطحنا منضيف دهنة الخروف والجوز ومنحركون

منشكل الكبة ومنحشي بس كمية مو كتير كبيرة يعني اقل من حشوة الكبة المئلية

هلئ منجهز عجينة العساكر

كاستين الطحين مع رشة ملح ومعلئتين زيت ومنضيف مي حتى تلم معنا العجينة

منحضر الحشوة اللحمة مع بصلة صغيرة مبشورة والكزبرة الناعمة والملح والفلفل

منشكل الشيشبرك

لنخلص منشوي اللبن

منخلط اللبن بالخلاط مع البيضة وملح منضيف النشا البودرة ومنخلط منضيف كاستين مي ومنخلط

بعدين منرفع اللبن على النار ومنضل منحرك ما منشيل ايدنا ابدا حتى يغلي اللبن

بس يغلي اللبن منسئط الباشا والعساكر

ومنتركون عنار وسط وكل شوي منحرك برفق

ربع ساعة ومنسكبون بعدين

منزين بالكزبرة الخضرا الناعمة لو حبينا

وصحة وهنا