هنجيب الباذنجان ونقطع العنق الناشف اللي فوق وبعدين هنحطه في حلة فيها ماية ونحطها على النار وتغلي نهدي عليها شوية ونسيبه يستوي بس خلي بالك منه كل شوية ليتعجن وقبل ما يستوي ب ٥ دقائق هتحطي الفلفل الاخضر والشطة الخضرا معاه

هنعمل دلوقتي بقى الدقة بتاعته في الهون او الكبة هنحط الثوم والفلفل الاخضر وشطة خضرا وواحدة الطماطم وملح وفلفل وكمون ونضربهم ضرب خفيف علشان يكون قطع مش ماية

ولما الباذنجان يتسلق ويبرد شوية هنجيبه ونشقه من النص بس مش للاخر ونحشيه بالخلطة اللي عملناها دي وبعدين هنعصر عليه الليمون وشوية الخل وع الوش هنحط الزيت

وطبعا الزيت على الوش علشان ميعفنش منك وكمان لو بتعملي كمية منه هتحتفظي بيها في علبة محكمة الغلق وهتاخدي منه بالشوكة كل ما تحتاجي

وبالف هنا وشفا على قلوبكم 😗