بخلط الطحين والسمن والحليب والسكر لاحصل على مزيج كريمي بضيف القطر وبخلط بضيف ماء زهر والورد يلي ثلجته نصف ساعه بالثلاجة حتى تكون عليه قطع ثلج بضيفه بالتدريج على خليط الطحين مع التقليب من تحت لفوق لتختفي السوائل باخد قطعه من العجين وبحتفظ بالباقي بالبراد لحافظ على برودة العجين

حشوة الفستق بطحن الفستق وبضيف القطر بالتدريج مع العجين لاحصل على عجين فستق طري بضيف السمن وبعجن وبشكل كور

والتمر بضيف سمن ماء زهر وهال وبعجن وبشكل كور

اهم خطوة بحشي المعمول تكون العجينه رقيقة والحشوة كتير السبب اذا كانت العجينة سميكة بتشرب رطوبة الحشوة وبالتالي بيقسى المعمول عند التخزين

كل صينية بشكلها بوضعها بالبراد اذا الطقس حار.بخبز المعمول من تحت وبعدها من فوق