معمول التمر لف بدون قوالب

أكلاتي الشهية😋
أكلاتي الشهية😋 @cook_5252868

هاد العيار بطريقة ماما كانت تعملو وكتييير بشهي وأنا أخدت الطريقة منها وحبيت شارككم فيها
هيك منقدر نسوي معمول بتمر بدون قوالب المعمول يلي ماعندو ياها متلي 🤭

معمول التمر لف بدون قوالب

هاد العيار بطريقة ماما كانت تعملو وكتييير بشهي وأنا أخدت الطريقة منها وحبيت شارككم فيها
هيك منقدر نسوي معمول بتمر بدون قوالب المعمول يلي ماعندو ياها متلي 🤭

تعديل الوصفة
شاهد أخبار وصفتك
شارك
شارك

المكوّنات

  1. 9 كاساتطحين
  2. 2 كاستينسميد ناعم
  3. 3 كاساتحليب سائل
  4. 2 كاستينسمنة
  5. 2 كاستينزيت نباتي
  6. ملعقةمحلب ناعم
  7. ملعقةهيل مطحون
  8. ظرففانيلا
  9. ظرفباكينغ باودر
  10. حشوة التمر:
  11. كيلوعجينة التمر
  12. ملعقةقرفة ناعمة
  13. شوية زيت

الخطوات

  1. 1

    أولاً مننقع السميد مع الحليب من نصف ساعة إلى ساعة

  2. 2

    منحط الطحين وباقي المكونات الجافة بجاط عميق ومنضيف السمنة والزيت ومنفركن ليتبلغ كل الطحين بعدا منضيف السميد المنقوع بالحليب ومندعك العجينة لحتى تتماسك وتصير طرية وماتفرط معنا

  3. 3

    منحضر الحشوة منجيب التمر منضيف عليه القرفة وشوية زيت ومندعكو ليصير معنا عجينة طرية نقدر نتحكم فيا وماتتفتت معنا

  4. 4

    هلأ منبلش نطبق العجينة مناخد مقدار كرة بحجم اليد من العجينة ومندعكا شوي بايدنا وبعدين منمدا بالشوبك وبعدين منرش شوية سمسم على جنب تاني ومنشيل العجينة يلي مديناها ومنحطا فوق السمسم بهالطريقة متل بالصورة

  5. 5

    هلأ مناخد كرة من عجينة التمر أصغر بشوي من كرة العجين ومندعكا ومنمدا شوي بالشوبك لازم ندهن السطح بزيت قبل مانمد عليه التمر حتى مايلزق وبعدين منشيلا منحطا فوق العجينة منزبطا بحيث تغطي كل العجينة تقريباً

  6. 6

    هلأ منبدأ بلف العجينة متل الرول بهالشكل ومنضل عمندحرج الرول لحتى يصير رول بسماكة معقولة مايكون كتير عريض

  7. 7

    أنا ضليت دحرج الرول لحتى صار بهالعرض هاد

  8. 8

    بعدا منبلش تقطيع الرول قطع صغيرة بهالشكل هاد ومنعمل ضغطة صغيرة بالسكين بنص كل قطعة متل مو شايفين

  9. 9

    هلأ منشيل القطع منصفن بالبايركس أو بصينية الفرن ومنخبزن على حرارة متوسطة من فوق وتحت منشغل شي عشر دقايق أو ربع ساعة منضل جنب الفرن منستفقدن حتى مايحمرو كتير

  10. 10

    منطالعن مننتظر شي خمس دقايق ليبردو شوي مامنلقن حتى مايفرطو بعدين منشيلن منفردن بصينية تانية ليبردو تماماً وبعدا منعبيهن بعلب ومنطالع منن وقت الى بدنا منقدمن مع القهوة كتيييير طيبين بشهو وصحتين وهنا على قلبكم

  11. 11

    في ناس بسموه مقروط بهي الطريقة بس هي العجينة فيكم تستعملوها للمعمول حتى ازا بدكم تعملوه بالقوالب بتزبط معكن وصحتين وعافية يارب

تعديل الوصفة
شاهد أخبار وصفتك
شارك
سأطبخها اليوم
أكلاتي الشهية😋
نُشرت في

التعليقات

وصفات مشابهة