معكرونة البشاميل بالجبنة 1

اولا تسلق المكرونة في الماء مع ملعقة صغيرة ملح.

في مقلاة على النار, نضع الزبدة مع شوي زيت زيتون حسب الرغبة ومنضيف البصل والفليفلة.

بس يدبلوا, منضيف الدجاج ومنقلب ليستوي منيح.

بعدين منضيف البندورة والثوم مع البهارات والملح. ومنتركن على نار هادية لمدة ١٠ دقائق.

بالهوقت منكون عن نحضر البشاميل: منضيف الزبدة بطنجرة صغيرة مع كمية الطحين والثوم ومنقلبهم شوي سوا.

بعدين منسكب فوقه علبة الكريمة والحليب والبهارات مع الجبنة السائلة و البقدونس ومنحرك باستمرار.

منترك خليط البشاميل حتى يغلي ونحصل على قوام سميك.

بس تجهز كل الخلطات, منجيب صينية ومنحط فيها المكرونة, بعدين خلطة الدجاج.

منسكب البشاميل ومنتأكد انو يدخل بين المكرونة والدجاج حتى ما تكون ناشفة من الداخل.

منرش الجبنة على الوجه وممكن نضيف شوي زبدة لتعطي لون ذهبي حلو.

مندخل الصينية الى الفرن لمدة ربع ساعة بحرارة ١٨٠. وبس يصير الوجه ذهبي, منطفي الفرن.

ان شاء الله تحبوها ولا تنسوا تضيفولي وصفات بالجبنة مع #فريق_ليندا. 😍💪❤️