طريقة عمل الاكلير

نرفع المية والزيت والزبدة والملح والسكر على النار ونقلب ولما يغلى نضيف الدقيق والنشا ونقلب بملعقة خشب لحد ما يتكون عندنا عجين طرى
نرفعه من على النار، نتركه يبرد

نضيف البيض واحدة واحدة والفانيلا ونعجن
هيتكون عجين طرى وبيلزق ايوااا بيلزق 🙄
نعبى كيس الحلوانى طبعا بيكون فيه بلبلة بتاع الاكلير أكبر من بتاع بلح الشام بشوية
وندهن صاج زيت خفيف جدا ونعفره بالدقيق
أو ممكن نفرشه ورق زبدة ونصب عليه الشكل الطويل دا بتاع الاكلير وممكن نعمل منه بروفترول صغير أو شو

هيروح الفرن حرارة 180 لمدة 25 دقيقة لحد ما يرفع ويمسك نفسه منفتحش عليه غير بعد 25 دقيقة عشان ميهبطش
بعدين ننزل الحرارة ل 160 حوالى 10 دقايق أو اكتر عشان ينشف ولو لقيناه لسة منشفش نسيبه في الفرن

ونطفى عليه الفرن خالص 5 دقايق أو اكتر شوية لحد ما ينشف...بسس كدا دى الأسرار والملفات السرية للاكلير ومشتقاته
ثم تترك لتبرد قليلا ثم تحشى بكريم الشوكولا...