طريقة عمل مربعات البقلاوة بالقشطة
طريقة عمل مربعات البقلاوة بالقشطة
الخطوات
- 1
اول شي منجهز القشطة: 2 لتر حليب منحطن عالنار وبس سخن الحليب منضيف فنجان قهوة خل ابيض بيفرط الحليب، منغليه ثواني ومنطفي النار ومنتركن يبردو.
- 2
بعدين منصفيون بقماشة رقيقه نضيفه ومنمررا تحت حنفيه المي ثواني مشان طعم الخل ومنعصر مزبوط ولانقطة مي منخلي ومنسكب محتوى القماشة بوعاء عميق.
- 3
بعدو منخلط 2 كاسة حليب سائل مع 3 ملاعق كبار نشاء ومنحطن عالنار ومنحرك باستمرار ليقرب يغلظ قوامن منضيف ملعقه-كبيرة زبده ومنحرك لتدوب ويغلظ قوام الحليب منضيف ماء زهر ومنطفي النار.
- 4
ومنخلطن مع قريشه الحليب اللي حصلنا عليها من قبل ومنضيف معن 1 ملعقه-كبيرة سكر وهيك جهزت القشطة منحطا بالبراد لتتماسك اكتر مع بعضا.
- 5
بعدو منجهز القطر: 2 كاسة سكر مع 3 ارباع كاسة مي وملعقه-كبيرة عصير ليمون منحطن عالنار ومنحرك ليدوب السكر منترك القطر يغلي 5 دقايق بعدو منضيف ماء زهر ومنغليه 2 دقيقة ومنطفي ومنتركو يبرد مزبوط.
- 6
هلا باكيت رقائق البقلاوة او الكلاج منطالعا من الفريزر قبل ساعتين او 3 من وقت التحضير وبس نفتحا منحفظا بقلب قماشة قطن مشان تتم طريه.
- 7
مندهن صينيه الفرن بالسمنة ومناخد رقاقه ومندهنا بالسمنة الدايبه دهن خفيف ومنرجع مناخد غيرا ومندهنا كمان هيك، مناخد نص كميه الرقائق اللي بالعلبه وكل وحده مندهنا بالسمنة وبعدو منسكب القشطة ومنرجع منحط فوقا طبقه ومندهنا بالسمنة ومنكرر الخطوة لتخلص كمية الرقائق مع الدهن لكل ورقه.
- 8
بعدو منقطع بالشكل اللي بدنا ياه ومنرجع منحط سمنة عالوجه ومندخل الصينيه عالفرن الحامي عالرف الوسط والنار من تحت ومن فوق بعد 7 دقايق منطفي من فوق ومنتركا لحتى تنتفخ الطبقات وتتحمر الجوانب والقاعده.
- 9
منرجع منشعل من فوق لنحمر الوجه و مننتبه منخلي لونو دهبي ما اغمق.
- 10
بعدو منسقيا بالقطر البارد ومنرش رشة فستق حلبي مطحون ومنتركا ساعه لتبرد بعدين منسكبا.
- 11
ملاحظة: انا ما استعملت كمية القطر كلا، وبدل السمنة بصير زبده، والافران بتختلف عن بعضا لذالك كل وحده تنتبه للفرن اللي عندا.
وصفات مشابهة
-
-
-
-
-
-
-
-
-
قوالب الكلاج (رقائق البقلاوة) بالقشطة قوالب الكلاج (رقائق البقلاوة) بالقشطة
لذيذة جدا شكل وطعم ولاااروع 👍 😋 👍 😋
وصفات ننصحك بمشاهدتها
التعليقات