بحط كل نوع فواكه بطنجرة لحاله و بضيف ماء بس يغطي الفواكه و طبعا كل ما كانت كمية المي اقل كل ما قل كمية الفيتامينات الى رح اخسرها من الفواكه

بحط كل طنجرة على النار و بغطيها و بخليها على النار لتغلي و بعدين بوطي النار عليها و بخليها تغلي من 3 الى 5 دقايق

بطفي النار على الفواكه الى غليو و بحط كل نوع بصحن و بهرسهم بالبلندر و هم سخنين

بس اخلص تعقيم بجيب الفواكه الى هرستها و بحطها بالمرطبان و هي لساتها سخنة ما بستنى ابدا انها تبرد، طبعا ممكن نخلط نوعين او 3 انواع فواكه بس اخلطيهم على جنب لتنوعي بالاكل

ممكن اجاص مع خوخ بمرطبان و اجاص مع تفاح مرطبان تاني و اجاص مع نكترين مرطبان تالت و الخ للتنويع

اذا المرطبان ما انضغط خليه بالتلاجة بتستخدميه باقرب وقت ممكن بس بكون باعتبار انه مفتوح واذا انضغط معناته رح يضل عندك الاكل اطول فترة بدون ما يخرب يعني تقريبا 6 اشهر