كيكة ورق العنب

ننقع الرز في مويا حاره لمدة نص ساعه

نكشن البصل والثوم والفلفل بزيت زيتون بعدين نحط الطماطم والبهارات ونضيف الرز ودبس الرمان وعصير الليمون واخر شيء نطفي على النار ونحط الكزبره والبقدونس

طبعاً الرز حيكون نص استواء ، نغسل ورق العنب وبالصينيه نحط زيت زيتون ونرص حلقات البطاطس ونبدأ نفرش فوقها ورق العنب مع رفع اطراف الورق بس ننتبه الجهه اللي فيها عروق بارزه تكون فوق يعني داخل الحشوه والجهه الناعمه تحت ونتأكد انو مافي فراغات بالصينيه

بعدين نحط الحشوه ونوزعها مع الضغط على الحشوه ونقفل الاطراف عليها ونحط فوقها ورق عنب

بعدين نذوب حبتين ماجي ونضيف عليها كاستين ماء حاره وملعقتين دبس الرمان وليمونه وملعقه صغيره ملح

بديل الماجي : كوبين ونص ماء واربعه حبات ليمون وملعقتين دبس رمان ونص علبة صلصة طماطم ونص ملعقه ملح ونخلطهم مع بعض ونصبها فوق ورق العنب بملعقه كبيره عشان ما ينخرب الشكل

راح تلاحظو الورق يرتفع عادي اهم شيء الماء تغطي ورق العنب بشويه ، نصب فوقها زيت زيتون ونغطيها بقصدير وندخلها على فرن حار وعلى نار مره هاديه من تحت لمده ساعه ونص الى ساعتين

طبعاً بعد مايمر نص الوقت نشيك عليها وانتبهو لما تفتحو القصدير من الدخان بس نفتح طرف القصدير مو كله ونغرس السكين ونتأكد اذا الرز استواء ولا لا واذا حسيتو الماء قلة والورق قاسي زيدو فوقها ماء حاره ودخلوها الفرن الين ماتنشف مويتها وتصير طريه ، كيف تعرفو انها نشفت ؟ اسمعو اذا البقبقه وقفت يعني نشفت

المهم بعد مانطلعها من الفرن لاتفتحو كل القصدير الين مايبرد نقلبها بصحن التقديم والتزين حسب رغبتكم واختياركم ، الطريقه مره مريحه خاصة اللي مايحبو يلفو جربوها وادعولي جداً جداً لذيذه 🤤♥️.