جريش لذيذ وسهل

حطي صدورالدجاج بقدر مع ماء وخليه ١٥ دقيقه عشان يستوي.

بعد ما يستوي, فتتيه بيدك.

خذي بصل كبير واقسمين نصين. النص الاول, قطعيه مربعات و حطيه بقدر كبير مع شوي زيت على النار. والنص الثاني, بقولك بعد شوي وش تسوي فيه.

خليه يتحمر شويتين وحطي الدجاج والبهارات عليه.

بعد ما تقلبينه اربع او خمس مرات, حطي تقريبا ثلاث كاسات ماء حاره. وحطي الجريش وخليك عنده حركي فيه لان بسرعه يستوي.

بعد ما نشفت الماء, حطي اللبن او الحليب وخليكي عنده. حركيه لمن ينشف ويتماسك زين. و جربيه إذا ناقص الملح او زايد اذا زايد, زودي شوي ماء.

خذي نص البصل الثاني وخذي مقلاه وحطي زيت تقريبا ربع كاس وقطعي البصل باشكال طويله وقلبيه. وخلي النار مرفوعه لمن يتحمر او يحترق.

وزيني الجريش بالطريقه اللي تبين مع سومطرا اذا تبين او اي شطه وفوقه البصل وعافيه مره لذيذ وسهل.