هنضف الجمبري كويس جدا من اي شوائب ونخلي بالنا عشان بيبقي فيه سمك صغير وقواقع مثلا يتنضف كويس

نرش عليه الدقيق والبهارات وممكن تبتكري في البهارات زي ما تحبي انا مثلا بحط عليه طعم جبنه بودرة

نقلب كويس نكون مسخنين زيت في طاسه عميقه وزيت كتير وننزل بالجمبري حبه حبه ونوزعه صح واحنا بننزل نحرك الطاسه كل شويه عشان ما يلزقش في بعضه

اول ما ياخد اللون الدهبي ونتاكد انه بقي مقرمش نطلعه على ورق مناديل ينشف كويس وبالهنا والشفا سناكس تحفه