بالخلاط بتحطي كاسة سكر و كاسة حليب و 4معالق كبار كاكاو و 4 معالق حليب بودرة و ملعقة صغيرة نسكافيه بتخلطيهم و بعدين بتفتحي الفتحة الصغيرة يلي بالغطاي و بتنزلي زيت زي الخيط لحتى يتئل يعني تقريبا كاسة

بعدين بتشيلي من الخليط كاسة بتحطيها على جنب بالتلاجة

و بتحطي عالكمية يلي ضايلة بالخلاط 3 بيضات و فانيلا و بتخلطي منيح

بتكوني منخلة على جنب كاسة و نص طحين مع 3 معالق صغار باكينج باودر و بتحطي الخليط عليهم و على الفرن

بتكوني محمييتو من لما تبلشي على درجة 180

بس تطلع الكيكة من الفرن اذا بتحبي خزئيها و شربيها نص كاسة نسكافيه و بتئدري تستغني عن هاي الخطوة واستني تبرد شوي و حطي عليها الصوص يلي كان بالتلاجة و زيني بشو ما بتحبي و صحتين و الف هنا

هاي الطريقة يلي بعملها دايما بس هاي المرة عملت بيتي كروكر الكيك الجاهز و حطي تو بالفرن

و بعدين عملت الصوص بفنجان القهوة حطيت فنجان كاكاو و فنجان حليب بودرة و فنجان سكر و فنجان ماء و خلطت و نزلت زيت لحتى تئل و كمان دوبت شوكولاته سودة مع شوية حليب و خلطت معهم و حطي تو عالكيكة بس جهزت و بردت