مكدوس

سلقت الباذنجان طبعا وتقتلو وغمرتو منيح بالماء

عيرت ساعة وخمس دقائق لاني بحبو طري شوي

بردتو تحت الماء الباردة كتير منيح

نضفتو من القمع وشرحتو من نص بسيكنة وملحتو بنص ملعقة صغيرة ملح صخري

وكبستو لما برد تماما بتقل

ملاحظة انا بعد السلق شلت راس الباذنجان لان ما منحبو ولانو بخزن ماء بعزبني بالكبس

بعد ٣ ايام كبس جهزت الجوز وفرمتو طبعا وكنت من فترة منشفة الفليفلة عالشمس وفارمتها لنتخلص من ماء الفليفلة نهائيا

حطيت الجوز والفليفلة ثوم مع رشة ملح بسيطة لاني مملحة الباذنجان منيح ومابدي ياه ملحو ظاهر

حشيتن وقلبتن ليلة كاملة على ورق مطبخ لاتخلص من اخر شي ممكن يتجمع من الماء فيهن

شكرررررا لكل وحدة تفاعلت مع منشوري السابق ونصحتني بخصوص هالاكلة اخدت من كل وحدة نصحتني شغلة وتقريبا طبقت الطريقة الصحيحة

كامل الاحترام حبايب قلبي ❤