إفتح في تطبيق كوكبادالخطوات
- 1
اول حاجه هنقطع البانيه شرايح ونتبله كويس بالملح والفلفل واي بهارات تحبوها
- 2
هسلق المكرونه بس منخلهاش تستوي على الاخر تبقي نيه شويه
- 3
في طاسه هنقطع البصله شرايح ونحمرها بشويه سمنه وبعدين نحط الفراخ تاخد صدمه ونقلبها وبعدين نقطع المشروم ونشوحه معاهم
- 4
هناخد من ماء سلق المكرونه كبشه او اتنين ونحطهم على الفراخ والمشروم ونسبيهم يغلو ويستو
- 5
هنعمل في الوقت ده البشاميل العادي ٣ معلاق الدقيق نحمرهم قي سمنه وننزل باللبن ونقلب وممكن نحط شويه كريمه طهي
- 6
الزياده اني بحط جبنه موتزريلا على البشاميل وجبنه رومي مبشوره بتخلي الطعم روعه جدااا
- 7
وبعدين نجيب المكرونه ونحط عليها الفراخ والمشروم ونقلبهم كويس ونحط حبه بشاميل عشان الطعم من جوه يبقي حلو وكمان المكرونه تستوي ونحط معاهم في النص شويه جبنه موتزريلا ونحطهم في الطاجن او البيركس اللي هيدخل الفرن وعلي الوش نحط بقيه البشاميل وشويه موتزريلا تاني وجبنه رومي مبشوره
- 8
نغلف الطاجن من فوق بورق فويل عشان الجبنه متنشفش وندخله على فرن ١٨٠ او ٢٠٠ لمده تلت ساعه او اكتر وبعدين نشيل الفويل لحد ما تاخد وش تحمير وبالهنا والشفا
- 9
في الصوره انا مبحبش اعمل الوش ده وباكلها طريه زي الصوره
وصفات مشابهة
-
-
-
مكرونه وايت صوص بالفراخ والخضار مكرونه وايت صوص بالفراخ والخضار
الوصفه دى مش هنحتاج كريمه لبانى
-
-
-
-
-
مكرونه بشاميل بالفراخ مكرونه بشاميل بالفراخ
زي عادتي خفيفه علي المعده علشان اللي بيعاني من الم المعده زي حالاتي
التعليقات (2)