نسلق المكرونه بمعلقه صغيره ملح ونصفيها ونحتفظ بميه سلقها انا هنا عملاها بمكرونه قلم لكن هي في الاساس بتتعمل بااسباجيتي

نجيب طاسه سخنه وننزل عليه زيت وننزل بالبصله المفرومه نديها تشويحه خفيفه

ننزل عليها بالفراخ ونشوحها ونتبلها بالملح والفلفل ونقلب

لوعاوزه تضيفي مشروم او فلفل الوان او زيتون يبقي تمام

الفراخ شربت ميتها ننزل عليها بمعلقه صلصه ونقلب حتى التجانس ونطفي النار

نجيب حله صغيره نسخنها وننزل فيها الزبده والدقيق ونقلب الخليط لحد مايبقى لونه بني فاتح وننزل باللبن ونقلب بمضرب سلك ونهدي النار اهم حاجه ونزود بمرقه سلق المكرونه لحد مأيبقي بشاميل مظبوط ونتبله بمكعب مرقه ورشه ملح لو احتاج

نحضر صينيه وسط نحط فيها طبقه بشاميل وننزل بالمكرونه ونحط طبقه الفراخ كلها ونحطه بشاميل ملعقة تقريبا وننزل عليها بالمكرونه الباقيه وخليط البشاميل كله

نضرب بيضه برشه فلفل اسود ونضيفها فوق وش الصينيه ونرش رشه البقسماط

نكون قبلها مسخنين الفرن على ١٨٠ درجة لحد ماتستوي ونفتح الشوايه لحد ماتتحمر وشها ونطلعها

ملحوظه انا ملحقتش اصورها لان اتنسف نصها

بالهنا والشفا