بضيف للبرغل الناعم الابيض او السمر ٣كوب الماء المغلية بغطيه وبتركو حتى تتفتح حبة البرغل ويتشرب الماء مدة ٣ساعات

بعدها منبلش ندعك البرغل بأيدنا نضيف الملح والكمون والفليفلة وماء البصل نضيف الدقيق ونرد ندعك منيح لاتصير عجينة سهلة التشكيل بغطيا وبخليها بلبرد

بجهز الحشوةً بقلاية بضيف السمن وبضيف البصل مع اللحم على نار عالي بضل عم قلب لاتنزل ماء البصل ومية اللحمة بخليها لاتنشف ماء اللحم بضيف الملح والفلفل الاسود وبهار اللحم وبقلب بتركا تبرد

باخد قطعة صغيرة من العجين وبعمل فجوة بالوسط بحاول رقها للعجينة بليد بحشيها بلحمة مقدار ملعقة صغيرة بسكرا بين الاسبابةًوالابهام مع وضع قليل من الماء عكف اليد وبملس الكبة على الوجه بشوي صغيرة ماء عشان ماتفتح معنا وقت القلي

برتبن بصينية وفينا نفرزن بخلين بلصينة وعلى الفريزر بس تجمد من تحت بقلبن وبخلين يجمدوا منيح بحتفظ فين بأكياس

الزيت لازم يكون غزير وحامي وبنزل حبات الكبة مابكتر ان كنا مفرزينها منزل كل ٤ حبات سوا عشان ما يفرطوا معنا بالزيت ومابقلبن كتير بخلين بالزيت ليتحمروا لحالن بشيلن عورق مطبخ بستنى ٥ دقايق ليرد يسخن الزيت وبرد بنزل ٤حبات كبة مفرزين