نغسل الدجاجة من الداخل والخارج ونملحها من الداخل والخارج

نخلط البهارات مع بعضهم ونترك ملعقة كبيرة منهم للطبخ الرز والباقي نضيفهم للدجاجة ونبهرها من الداخل والخارج ونتركها على جنب

في طنجرة صغيرة نحمس اللحمة مع ملعقتين زيت نباتي ونضيف اليها ملعقة البهارات الى تركناها على جنب وبس استوت اللحمة نضيفالبازيلا و الرز ونحمسهم قليلا ونضع ملح حسب الرغبة ثم نضيف نصف كوب ماء ونطبخ الرز بحيث لايستوي عالآخر

نضيف مكسرات محمصة للارز بعد الاستواء

نحضر الدجاجة والرز ونحشيها بالرز المطبوخ نصف طبخة ونضع ورقتين غار معهم ونشبكها او باعواد الاسنان نقفل الدجاجة ونربط اليدين والرجلين بخيط عشان تبقى محافظة على شكلها

في طنجرة على حجم الدجاجة نضع ملعقتين سمنة كبار او زيت نباتي وبصلة مقطعة اربع اقسام وورق غار وحبات هيل وكم عودكبش قرنفل ونقلي الدجاجة على الوجهين لحتى تتحمر ثم نضيف ماء وملح ونتركها حتى تستوي على نار وسط تقريبا ساعة ونصف

ونقدمها اما مع بطاطا مقلية او أرز بالكاري وسلطة الخضار او سلطة اللبن بالخيار وصحتين وهنا

هاي شكلها من الداخل