في ڨصعةنضع السميد والخميرة والسكروخميرة القطو وشوية سنوج وجلجلانية ومبشور الليمونونخلطهم مليح ومن بعد نضع الزت ونزيدو نمزجوهم مليح ونديرو حفرة في الوسط ونضع الملح ومصبو عليه الماء الدافئ نلموها حتى نتحصل على عجينة متماسكة ونغطيها بساشي ونلفها بقطعة قماش ونخليها امام مكان دافئ حتى تخمر.

بعد ما تخمر نهبطولها التخمار ونعجنوها جيدا حتى تطرا وتولي لينة ونبداو نسقيوها بالماء وماء الزهر بشوية برك ونعجنو وندلكو جيدا حتى تولي طرية ورطبة وتحسيها تعجنة مليح ومن بعد تجيبي قطعة زبدة وتدني بيها القصعة وتعاودي تعجني العجين حتى يشرب كل الزبدة.

تجيبي بلاطو فيه بابي كويسون وتجيبي العجينة وتبداي تطرحي فيه حتى تولي قرصة ڨد لبلاطو تاعك ومن جهة اخرى ديري حبة بيض وشوية قهوة وتدهني سطح العجينة وترشيها بالسنوج والجلجلانيةوتخليه يخمر حتى يضاعف حجمو وتحطيه يطيب, اي يستوي في كوشة شاعلة من قبل على درجة حرارة 180درجة كيطيب من تحت شعلي عليه من فوق يحمار مليح وخرجيه وڨلبيه على طرشونة وقصيه راهو يجي بنين وخفيف جربوه وشاركوني تجربتكم.

ملاحظة ملعقة الخميرة تاع الڨاطو راهو يزيدلكم من علو وحجم الخبز

اما الزبدة تخليه يبڨى طرية مدة طويلة