انا عندي نوعين سمسم مقشر ومحمص خلطن وحمصتن على نار هادي دقيقتين تلاتي بخليه على جنب بمسح صينية بملعقة زيت وبخليها على جنب

هلق الخطوة المهمة عشان مايسكر معنا السكر ويتكرمل بضيف السكر على نار هادي وبخليه من غير ماحركو ابدن فقط بهز القلاية لا تبلش تذوب السكر من الاطراف بلملعقة بحاول دخل السكر يلي الاطراف على السكر يلي لسا ماداب وبهز القلاية من غير تحريك بس داب السكر بضيف نصف كوب ماء وعصرة الليمونة وذرة الملح الليمون والعسل وماءالزهر رح نلاحظ السكر تجمع عبعضو بستنى وبخليه لا يرد يدوب

هلق بضيف السمسم المحمص وبقلبو مع السكر شوي شوي على نار هادي من ٥دقايق لا ٧دقايق مو اكتر من هيك بنزلو على الصينية المدهونة بالزيت وبملس السطح شوي منبل أيدنا بقليل من الماء ومبلبس كوينتي عشان ماتلزق معنا بليد وبسوي السطح بستنى دقيقتين وقبل ماتبرد تماما بقطعا بخليها تبرد تماما وتتماسك

برفع السمسمية من الصينية وبحتفظ فين بيعلبة وصحتين