السيقار

تخلط المكونات وتلم بخليط ماء و ماء زهر العجين و نخليه يريح في الثلاجة لمدة 20 د كل ماتريح كل ماخير

نفتح العجين بالواسطة الالة او بالحلال نقيس على السيڨار ونقطع شريط لازم نخلو السيڨار يبان شوي من ومن باه نقدرو نجبدو كي تطيب اي تستوي العجين نلوي دورة و نقطع و ندخلهم يطيبو مالازمش يحمارو بعد ما يطيبو نحضر الحشو

لنحشي بيه ليسيڨار كيلة زبدة فلوريال من الاحسن نضربوها حتى تولي بوماد و نزيد نفس الكيلة كاوكاو (فول سوداني) و نفسها عسل و كمية من حلوة الترك على حسب ماتحبوها حلوة بزاف ولا لا بعد مايبردو ليسيڨار نحشيهم بالبوش مليح و نروح

نطليهم بالشوكولاتة البيضاء ما نزيدلها حتى اضافة نخليهم ينشفو و نلمعهم باللماع الفضي و تزيين راه في الصورة