الخطوات
- 1
اول شي بنجهز صلصة المفتول عن طريق تشويح الدجاج بزيت نباتي مع البصلة بطنجرة مع رشة ملح وفلفل
- 2
بنضيف مقدار من الماء لحتى نسلق الدجاج وبنتركه يستوي. قبل ما يكمل سواه بنضيفله العدس لحتى يستوي معاه واخر شي بنضيفله الحمص والفاصوليا ورب البندورة وبنتركهم يتسبكوا شوي هيك بتكون جهزت الصلصة
- 3
للمفتول بننقع البرغل مدة ربع ساعة مو اكتر وبنغسلة وبنصفيه
- 4
بتبل البرغل برشة ملح وفلفل. بكون عندي صينية كبيرة للفتل جنبي صحن ماء والطحين والبرغل. ببدأ ارش شوية برغل بالصينية وبرش فوقهم طحين يغطيهم ورشة ماء من الصحن بايدي
- 5
وبعدين بحركة دائريه بروس الأصابع بلم الطحين على البرغل وبكرر لحتى تخلص الكميه
- 6
لحتى نسوي المفتول بنجيب طنجرة ومعها مصفاة حديد على قدها بالزبط حتى ما يروح البخار بنحط نص الطنجرة ماء والمفتول بنحط جوا المصفايه وبنتركه يستوي على بخار الماء
- 7
بعد ما يستوي بنسكبه وبنفركه بزيت الزيتون منيح وبنرتب الدجاج فوقه وبنشربه بالصلصة وصحتين وعواااااافي ❤❤❤
وصفات مشابهة
وصفات ننصحك بمشاهدتها
التعليقات