دجاج فالفرن مع خضر سوطي

اولا خطوة نقطع حبتين من الجرز دوائر و ناخد كمية من الجلبانة نرشهم بشوي ملح و فلفل اسود نغطيهم و نحطهم يفور

نحضر التتبيلة لي كتبت مقاديرها الفوق و نطلي بيها الدجاج بعد ما نظفوه و نغسلوه نطليه بالتتبيلة مليح حتى تحت الجلد ديرولو التتبيلة نحطلو قطع زبدة ملفوق و ندخل الدجاج للفرن يطيب

فالمرحلة هادي نقطع البطاطا لي مكعبات متوسط نديرلها شوي ملح و نقليها طبعا الكمية حسب انتم واش حا ديرو

كي تفور الخضر تاعنا و الدجاج و البطاطا تكون تقلات ناخد لاصوص لي خرجت من الدجاج نحطها فمقلاة نزيد نرابي عليها سنينات ثوم و ملعقة صغيرة من الخردل نحطهم على النار يغليو شوي و نضيف الخضر (الجزر الجلبانة و البطاطا) نحرك الكل و نخليه يتجمر شوي فوق النار حتى يتشربو الصوص نرش عليهم كمية من المعدنوس و نطفي