طريقه عمل التشيكن ستربس زى الجاهزة والمحلات بالظبط

هنحتاج :
صدور فراخ متقطعه شرايح طويله تخينه شويه
هنتبله قبلها بيوم او قبلها ب ساعتين على الاقل
معلقتين زبادي كبار
 ملح وفلفل
بابريكا وتوم وبصل بودرة
وزعتر وفص توم مفروم
معلقة صلصه ومعلقه كاتشب
وبيضه وعصره لمونه ومعلقتين خل كبار
وربع كوبايه دقيق ومعلقتين نشا وشويه مايه ونخلطهم كويس لحد ماتكون التتبيله زي العجينة السايبه كده

لما نتبلها هنطلعهم من التتبيله نحطلها في الخلطه التانيه

الخلطه التانيه كوبايتين دقيق عليهم ربع كوباية نشا ومعلقه بيكنج بودر وملح وفلفل وكركم ومكعب مرقه
نحطها ف الدقيق ومنضغطش ونرجعها تاني ف التتبيله وبعدين الدقيق ونقليها فى زيت غزير و ساخن