دونات سهلة وخفيفة

في إناء نخلطو المكونات الجافة مع بعض الفرينة (طحين) والسكر والخميرة والملح ثم نضيف المرغرين لي هي ملعقتين كبار والبيضة

ثم نخلطو جميع المقادير مع بعض ثم نضيفو الحليب الدافي تعنا حتى تتلم العجينة ونخلي العجينة طرية منيبسهاش كي نلموها نعجنوها حوالي خمسة دقائق ثم نغطيها ونخليها ترتاح حوالي ربع ساعة حتى تختمر.

بعد ماتخمر نفتحوها بالحلال على طاولة العمل بعد مانرشوها بالفرينة طبعاً نفتحوها خشينة شويا ماشي رقيقة خلاه باش يجيو لي دونات ملحمين وملاح بعدما نفتحوها نطبعوها بالطابع تع لي دونات راهو متوفر في المحلات

ثم سخني الزيت تاعك واقليهم حتى يحمارو ثم كي تكملي تقليهم ذوبي الشوكولاته تاعك على حمام مائي انا استعملت شوكولاته ماكسون السوداء واغطسي وجه دونات فيها من الفوق برك وزيني بواش عندك

انا استعملت شوكولاته فرميسال ملونة والتزيين يبقى اختياري تقدري تزيديلهم خطوطو شوكولاته بيضاء اونيسلي كراميل او نوادكوكو او سكر ڨلاسي الشي لي عندك وشهية طيبة 😘♥

ولكان معندكش ماشي مشكل اطبعي بكاس وفي النص ببوشون صغير عادي بعدما تطبعيهم فرشيلهم طرشونة في سنيوة وخليهم يخمرو مليح حتى يتنفخو