في قصعة نضع السميد ونضيف الفرينة (طحين) ،فانيلا ،القرفة ،الكبابة مع رشة ملح، الزعفران، ثم نخلط الكل جيداً ونبدا نحك براحة الكفين لمدة 15د، او 20 دقيقة وهذي المرحلة مهمة جيداً في نجاج المقروط تاعنا، وبعدها نغطو السميد ونتركه ابات ليلة كاملة او 4 ساعات

نضع في طبسي الكاوكاو والسكر ،القرفة الكبابة نخلط الكل ونشمخ بماء الزهر حتى يتلايم الكاوكاو، و يرجع كعجينة طرية

بعد مرور مدة قصيرة نولو لسميد تاع لمقروط، ونبداو نشمخو باشوية بحيث ندرو كمية من الماء ونضيف اليها ما الزهر ونرشو فوق سميد ونحرك، باصابع اليد دون العجن وهذي خطوة مهمة لنجاح المقروط باستعمال الاصابع حتى يتلايم العجين لوحده، نشكل حربوش نقسموه في الوسط بسكين او باليد نضع فيه الحشو، ونعاودو نسووه جيداً و ثم نقطع بسكين او طابع

نضع الزيت يسخن في مقلاة بعدها نبداو نطيبو في المقروط تاعنا ومن الافضل استعمال الشبكة حتى يسهل العمل ونتركه يطيب, اي يستوي فوق نار، متوسطة وبعد ماحمر ننزعه ونفرغه مباشرة في العسيلة الباردة ونتركه يتشرب ونستمر بنفس الطريقة مع باقي العجين بلا ما طيحلك حتى حبة، وفي لاخير نتحصل على مقروط معسل ومرمل وذوق هايل

بعد النصائح والتدابير المهمة للاخوات لي ماينجحلهمش المقروط 👇:1 اضافة قليل من الفرينة (طحين) مهم جداً،2- بياض البيض ايضا حتى يتماسك العجين في المقلاة، 3-استعمال الاصابع في ليم العجين كما نفتلو الطعام حتى مايتعجنش من داخل لما يطيب،4- اضافة القليل من ازعفران باه لما نعسلو المقروط ياطيلنا لون شباب، وكل هذا من تجربتي الشخصية وسلام حبيبات نتمنى تسدفادو هنها