يبرق على الطريقة الحلبية

منحط ماء بطنجرة على النار. وبس صارت دافية, منحط فيها ورق العنب شوي, بس لبين ما يلين ويسهل لفو.

منغسل الرز منيح ومنصفيه. وبعدها مننقعو نصف ساعة ومنصفيه. ومنضيف عليه ملعقتين الزيت, حتى ما يعجن ويضل مفرفد.

بعدها منضيف عليه اللحمة والدهنة المخفوقة والملح والبهار, تقريبا ملعقة كبيرة. ومنخلطهن لبين ما يتجانسو. ولازم ننتبه شوي شوي, لحتى ما يفرط الرز.

بعدها منبدأ لف. وبس تخلص الكمية, منضع الشرحات بارض الطنجرة و ثوم حب. ومنبدأ صف اليبرق, منرصو بجنب بعض.

مننتظر ومننتبه, يبقى في غليه خفيفة.

بس نخلص, منحط صحن كبير على والوجه وفوقه التقلة على الوجه. ومنضيف ماء لبين ما يغمر اليبرق.

ممكن تضيفو معه محشي قرع, منحشيه بنفس التتبيلة. طبعاً انا هون مو ضايفة. بيطلع روعة ومنحطه منصفه فوق الشرحات والثوم وبعدها منصف اليبرق.

صحتين والف هنا. نشالله تجربوها وتعطوني رايكون.

بياخد على النار تقريبا اربع او خمس ساعات, حسب ليغبغب وتستوي اليبرقة. وعنا بحلب كتير ستات بيوت بيتركوه 12 ساعة على نار هادية. بيطلع روعة دايب وغابب كل الحامض.