نحط مكونات المرق تتقلا مليح بعدها نمرقها ونحط الحمص والفلفل

من جهة نحط ملعقتين زيت على الشخشوخة ونفركها باليد ونحطها في كسكاس تفور.لما يخرج البخار نحيها ونكونو حطينا الملعقة ونصف طماطم والزبدةونصف كأس الماء في طاوة يذوبو فوق النار لما يتجانسو نصبهم على الشخشوخة ونخلط باه نتحصلو على شخشوخة حمرا.👍🍅🍅

نخليها تتشرب لما تنشف نحطلها ملعقتين زيت ونفركها باليد ونرجعها تفور للمرة الثانية والاخيرة بعدخروج البخار نحيها ونحطها في المقلاة او الطنجرة باه نجمرها

نحي الدجاج والحمص والفلفل ونصب المرق فوق الشخسوخة فقط يوصل لحافة الشخشوخة ومنغمروهاش بالمرقة.(طبعاً المرق يتصفى)

ونغطيها ونخليها تتشرب المرق بلا منحركوها لانها رايحة تتعجن.بعدها نطفي النار ونحطلها ملعقة زبدة ونخليها تذوب وحدها منحركوش لما تذوب الزبدة ندخلها بالملعقة غير بالشوي.

ونحطها في الصحن اللي تجيه شايحة ممكن يحطالمرق قدامو.والناس اللي يحبو يكملو الطبق تعهم بالفايدة يطبو الخضر في المرق ويحطوها وهكذا نتحصلو على الياف تساعد في الهضم واللي يحب الحار يضيفلها.أنا عندي أطفال ملازمش تجي حارة😊😊 ومن الاحسن تكون مع سلاطة. آسفة طولت عليكم😉😉😉 بصحتكم.