بالنسبة للكيك: نغربل كل النواشف (الفرينة (طحين) والكاكاو والخمارة) ونضرب البيض والسكر والفاني وقرصة ملح بالمضرب اليدوي

نضيف الزيت ونحرك ثم الحليب مع مواصلة التحريك ثم نضيف النواشف ونحرك حتى نحصل على خليط متجانس

كنت محضرة المول (مدهون ومرشوش بالفرينة) نصب الخليط وتضرب الصينية على الطاولة باش يخرجو الفقاعات وإلى الفرن المسخن مسبقا على درجة حرارة متوسطة تقريبا 30 دقيقة

كي طيب نقلبها على مشبك ونخليها تهدى قليلا

نشربها بالحليب وهاذ المرحلة إختيارية لأن الكيك طري بدون ما نشربوه. ونخليوه بجيه

بالنسبة لصوص الكراميل نوجدوه قبل كريمة الشانتيه باش يبرد نذوب كاس سكر فوق نار معتدلة حتى يولي كراميل نضيف عليه كاس حليب مخلط مع ملعقة صغيرة مايزينة (نشاء)ونحرك في الأول يجمد ومن بعد يتحلل بمواصلة الخلط

نضيف عليه ملعقة صغيرة مارغرين (زبدة) والكاوكاو مهرمش غليظ (ندقو بالحلال فقط) وقرصة ملح لإبراز النكهة نخلط مليح ونخليه بجيه

نطلع كاس شانتيه مع كاس إلا ربع حليب بارد جداً جداً حتى يثقال وتصبح كريمة نضيف عليها ملعقة كبيرة كريمة الطوفي ونخلط حتى تنسجم

نروحو لتركيب المكونات ندهن حواف الكيك بصلصة الكراميل بدون ما ندير الكاوكاو ودردر عليها برالان الكاوكاو إن وجد يعطينا قرمشة رائعة (مرحلة إختيارية)

نستف الموز اللي كنت قطعته دوائر نزيد فوقو صوص الكراميل الجاهز

نزيد من الفوق كريمة الشانتيه ونصب فوقها صوص الكراميل اللي صنعته ونسوي السطح

وتقدم بالصحة والهنا

ملاحظة هامة: إذا ثم تناولها مباشرة يسيح صوص الكراميل على الجوانب أما إذا وضعت في الثلاجة مدة 3 ساعات يصبح الصوص متماسك أكثر وما يسيحش.