حلوة البقلاوة

خلطي الفرينة (طحين) (طحين) مع المايزينة + فانيلا والكيلة نتاع المارقرين تكون ذايبة وباردة بسي المكونات مليح بيدك ثم ذوبي الملح في قليل من ماء الزهر وخلطيه مع العجين باش مايقطعش العجين كي تحليها

واخلطي كذالك الحبة نتاع البيض مع الحليب يكون دافئ وعجني بيه الخليط حتى تتحصلي على عجينة قطعيها الى 12 كرية وخليها ترتاح فوق 3 ساعات او من الاحسن تبات.

الطبقة الاولى تكون خشينة قليلا فقط على الطبقات الاخرى ودهني ما بين الطبقات بمارقرين التوريق تكون ذايبة وباردة الى ان توصلي للطبقة السادسة ما تدهنيهاش

فرغي عليها الحشو وسويه مليح كامل مع السطح ثم كرري نفس العملية مع الطبقات الاخرى حتى توصلي لاخر طبقة قطعيها معينات ثم ادهنيها بالسمن

ثم قطعي الكوكياجات يكونوا رقاق بزاف ولسقيهم بحبة كاوكاو (فول سوداني) او لوز في الجنب وعاودي الدهني الكل بالسمن.

باستعمال الالة حلى الكريات رقاق واستعملي دائما النشاء بعد ما تكوني دهنتي البلا نتاعك بالمارجرين ستفي عليه الطبقات

خليها ترتاح ساعة ومن بعد طيبيها في فرن (160 درجة مئوية مدة ساعة كاملة من الاسفل حتى تشوفي الاطراف احمرو شعليلها من الفوق ونقصي للنار تماما وخليها طيب غير في عقلها)

وفي الاخير عسليها مباشرة وهي سخونة وما تفتحيهاش لمدة يوم كامل. وبصحتكم.