اولا نجيبو سكرفاج نسكرفجو البطاطا من لهجة لخشينة ونعصروها مليح من الماء تعها

وبعدما نعصروها نحطوها في ايناء ونحطو عليها الحبة تا البيض والمعدنوس مقطع رقيق والملح والكمون والكركم والفلفل الاسود ونخلطوها مليح باش يدخلو المكونات في بعضاهم

ونبعد نشكلوها كرة ونبسطوها ونحطوها مباشرة فالزيت يكون سخون وتكون النار ناقصة باش تطيب مليح بعدما تطيب من تحت نقلبوها على الجهة الاخرى وبعدما تطيب نحطوها فوف بابي بوغسوغفو باش ينقص منها الزيت ونقدموها مع الكاتشاب ولا المايوناز او صلصة الثومية او مع اي مرق ابيض كاين لي يديروها مع مرق الجلبانة بمرق ابيض يعني تكون المرق تا الجلبانة خاثرة بزاف وتدورو هاذيك الباطاطا على حواف السحن وتحطو الجلبانة فالوسط ونسقيوها بالمرق (بالصحة والهنا) اسمحولي مصورتش المراحل كنت شويا مجينيا