كسرة رخساس

تعلمت هذه الكسرة من جارتي عنابية كانت تخدمها بسميد القمح 😋😋😋 وعلمتها المطلوع تاع الجلفة ههههه تبادل المعارف و الخبرات

#معجنات_جزائرية

هذه الكسرة فيها 2 وصفات اليوم نعطيكم لمبسة والثانية تجي طالعة ومفخفخة

#مقبلات_عائلتي

#أكلات_شعبية كسرة رخساس تقدم مع شوربة فريك ولا حريرة ولاحتى مع القهوة تجي خفيفة وبنينة.

#التحدي_الذهبي

فالماضي كانت جداتنا ديرو بالقمح اوبالشعير هما الى يزرعو القمح ويصفوه ويرحوه ويعجنوه بالماء والملح ويطيبوه فطاجين الفخار يكون فوق لحطب اااه على ايام زمان ايام الخير والبركة وكلشي طبيعي من صنع الايد، وضرك حنا منعرفوش منين جا هاد السميد واش طحنو فيه. ربي يجيب الخير انشاء الله ويحمينا ويحمي بلادنا من الظُلام

نحب نطيبها على طاجين الطين تعطيها لذة روعة