ننخل الطحين والبكنغ باودر والخميرة والدريم ويب و رشة الملح بعدين بضيف عليهن البيضة وبخلطهم سوى وبنعجنهم بخليط الحليب عشر دقائق عجن على الرخام بعدها نخلي العجينة بمكان دافئ ساعة او اكتر شوي حتى يتضاعف حجمها

بفرد العجينة مستطيل لسهولة العمل انا بقسمها على مرتين وبدهنها زبدة والسكر والقرفة والكاكاو بعدين بلفها رول وقطعها وبحطها بالبايركس (صينية زجاجية) الخاص بالفرن مدهون زبدة كمان بتركها تتخمر ساعة وبعدين بخبزها لحتى تتحمر

الصوص الأبيض: بالخلاط بحط كوب سكر كوب حليب بودرة ملعقة زبدة رشة فانيلا ونص كوب ماء ساخن وحبتين كيري بخلطهم كتير منيح بالخلاط عند التقديم بزين السنابون بالصوص