بعدما ترتاح نقسم العجينة الى كرات متساوية و نرمدهم فالمايزينة (نشاء) ونخليها ترتاح 5 دقائق ثم نفتح كل كرة باستعمال النشاء و الحلال (شوبك) و نرققها قد ما نقدر لازم تكون العجينة رقيقة ثم ندهنها بالزيت كامل و نحط كمية من الحشو و نرولي حتى نتحصل على حربوش و نحطو في سنيوة مدهونة بالزيت نواصل العملية حتى نكمل كل الكمية ندهنهم بالبيض و نزينهم بالجلجلان و السانوج و نقطعهم و ندخلهم يطيبو في فرن مسخن من قبل

للحشو : نقلي البصل مع شوية ملح حتى يذبل ثم نضيف اللحم المفروم و الفلفل الاسود و نقليهم كي يطيب نضيف الزيتون و الجبن نخلطهم و نضيف البطاطا المسلوقة نطحنوها و نخلطوها مع الخليط و نخليه يبرد ثم نحشي بيه