في إناء نحط البيض+السكر+رشة الملح أو نضرب مليح بالباتور حتى يطلع الخليط نضيف الفانيليا وقشور البرتقال أو نبدأ نحط الفرينة (طحين) مع الخميرة أو ندخلهم فالخليط بلا منحبطو

نحط في صينية مدهونة بالمارغارين أو الزيت أو ندخلها طيب عادي في فرن مسخن مسبقا.كي نخرجها أو هي سخونة نسقيها بهداك الكأس تع الحليب

نحضر الطبقة 2 نحط كل المقادير مع بعض ماعدا المارغارين والفانيلا أو نحطها فوق النار مع التحريك المستمر كي تعقد نحيها أو نحط الفانيليا والمارغارين أو نفرغها مباشرة فوق الكيكة

الطبقة 3 نخلط كل شيء مع بعض ماعدا المارغارين نحطها فالاخير كي تعقد الكريمة أو نفرغها فوق الطبقة 2 لي تكون شدت روحها شويا

التزيين إختياري انا زينتها بشويا نواة كوكو (جوز الهند) أو قشور البرتقال مع قطع من الفراولة أو هدا هو شكلها النهائي صدقوني روعة جربوها أو متندموش😉👍