PanCakes-بان كيك

Name: PanCakes-بان كيك
Cuisine: سعودية
Ingredients: 1 كوب دقيق; 3/4 كوب لبن فى حرارة الغرفة; 1 بيضة كبيرة; 2 معلقة كبيرة سكر; 1 معلقة صغيرة بيكنج باودر; 2 معلقة كبيرة خل ابيض; 1/2 معلقة صغيرة بيكربونات صوديوم; 1/2 معلقة صغيرة ملح; 1 معلقة كبيرة زبدة سايحة; 1 معلقة كبيرة زيت; عسل ابيض او شيكولاتة او مابل سيرب للتزيين

Yasmeen Saad @cook_4872616

المكوّنات

30 دقيقة

1 كوبدقيق
3/4 كوبلبن فى حرارة الغرفة
1بيضة كبيرة
2 معلقة كبيرةسكر
1 معلقة صغيرةبيكنج باودر
2 معلقة كبيرةخل ابيض
1/2 معلقة صغيرةبيكربونات صوديوم
1/2 معلقة صغيرةملح
1 معلقة كبيرةزبدة سايحة
1 معلقة كبيرةزيت
عسل ابيض او شيكولاتة او مابل سيرب للتزيين

الخطوات

30 دقيقة

1

اول حاجة بنجيب كوباية اللبن و نحط عليها الخل و نسيبهم 10 دقايق لغية ما اللبن هنلاقيه تقل بس مهم جدا اللبن يكون فى حرارة الغرفة.
2

فى طبق كبيرة بنصب اللبن و نحط عليه الزيت والزبدة والسكر والبيض ونقلبهم كويس لحد ما السكر يدوب.
3

نخلط الدقيق والبيكنج بودر وبيكربونات الصوديوم والملح مع بعض و نصبهم على خليط اللبن و نقلب كويس و هنحصل على عجينة تقيلة نوعا ما .
4

هنسخن طاسة تيفال مدهونة بزبدة خفيف جدا على درجة حرارة متوسطة عشان ميلزقش و بكبشة ناخد من الخليط و نصب فى نص الطاسة دايرة كده ونفردها سنة بس بضهر الكبشة بس مش اوي .
5

اول ما نلاقي وش الكيك عمل اخرام نقلبها عالناحية التانية لغاية ما تحمر و بعدين نشيلها.
6

بعد ما نخلص الكمية كلها هنحط عليها عسل ابيض او مربي او شيكولاتة او مابل سيرب وده سيرب زي العسل كده بيتباع فى السوبر ماركتس الكبيرة و ده بيبقى مخصوص للبان كيك .
7

الكمية دي بتعمل تقريبا 5 او 6 كيكات و تنفع للفطار او سناك لذيذ مع قطع الفواكه وبالهنا والشفا.