اولا قدام بليلة نرنخ الحمص وحدو والفول وحدو في ماء دافئ نخلط فيه الخميرة تاع القاطو نقسمها عليهم في زوج فقط الصباح كي تنوضي حطي الكوكوت (الطنجرة) اغسلي الحمص وحطيه وزيديلو الماء من الحنفية وربع حبة قارص (ليمون) ونقفل عليها فقط اذا كان عندك زوج كوكوتاط نفس الشي ديريه للفول انا درتو في برمة تاع الطين وحدو

كي يطيب, اي يستوي وينقص الماء تاعهم في زوج نوجد الخلطة للاثنين كل واحدة وحدها بصلة في الروبو وثوم وزيت فلفل اسود كمون راس الحانوت وملح ونخلط ونحطهم في الماء تاع الحمص والفول

وكي تخثار البرم في زوج ونضوقو الكل نورمال نوجد البصل خضاري قطع صغيرة والكسبر والقارص والفلفل اخضر والطماطم الكل قطع صغيرة في صحن التقديم نضع مغرفة كبيرة زيت زيتون وهريسة فلفل حار بصل كزبرة طماطم قطعة قارص (ليمون) ونهز زوج غراف من الحمص وغراف من الفول ونخلط

وبالصحو الهناء تنحي الزدرة هههه😛😘😘😘😘