إفتح في تطبيق كوكبادالخطوات
- 1
بنحضر الخميرة الاول ، بنضيف الخميرة و المية و معلقة السكر علي بعض و نقلبهم و نسيبهم 5 دقايق.
- 2
بنضيف علي الخميرة الشورتينج (ممكن نستبدلها بالزبدة بس ده سر الدونتس و هشاشته و انه يفضل لوقت طويل سليم انهم بره بيستعملوا شورتينج) و البيضة و جوزة الطيب و السكر و نقلبهم كويس.
- 3
بعد كده بنضيف الدقيق و الملح و نعجن كويس .
لو لقينا العجينة ملزقة شوية مش مشكلة لاننا لما نكمل عجن هتتجانس و هتبقي كويسة جدا و هي بتحتاج من 10 ل 12 دقيقة عجن كويس .
لو لقيناها ناشفة اوي ممكن نزود ميه.
بنحطها في طبق كبير مرشوش زيت خفيف و نغطيها و نسيبها تخمر مش اقل من ساعة و نص .
انا عادة بسيبها من ساعتين ل 3 ساعات و ممكن اسيبها ليلة كاملة بتخمر بس بحطها ساعتها في التلاجة . و بتخمر اه و هي في التلاجة 😃 - 4
بعد ما تخمر هنحطها علي سطح مرشوش دقيق كويس و منخرجش الهوا اللي جواها ولا ندوس عليها جامد و لا نعجنها تاني و هي في الطبق.
بعدين هنرش علي وشها دقيق و علي النشابة اللي هنفرد بيها و نبتدي نفردها بالراحة بسمك 1 سم تقريبا او اكتر سنة. - 5
بنبتدي نقطعها بالقطاعات او لو مفيش قطاعات ممكن كوباية و غطا ازازة . و بننقل وحدات الدونتس في صينية او سطح مرشوش دقيق و نغطيها كويس عشان هتخمر تاني لمدة ساعة تقريبا او لغاية ما تعلي.
العجين الباقي بقي بنعجنه تاني بس مينفعش نشكله في ساعتها عشان هيبقي الهوا خرج منه و هيبقي مكبوس فهنسيبه يخمر تاني بغاية ما الدونتس نفسه يهمر و نبقي نشكله ساعتها .
او ممكن نسيب العجين الباقي في التلاجة بعد ما نعجنه لو عايزين نعمله يوم تاني. - 6
نيجي بقي للتكة . ان احنا بنقلي الدونتس في الشورتنج و ده مهم اوي عشان يخلي الدونتس هش و حلو و يبقي فيه من النص حلقة بيضة زي الصورة كده و دي علامة من علامات نجاح الدونتس.
بنقلي كل جمب حوالي دقيقة او دقيقة و نص لغاية ما ياخد لون دهبي او بني فاتح و نطلعه علي مناديل عشان تتشرب الماذة الدهنية اللي فاضلة.
- 7
بنزينه بسكر بودرة او سكر عادي بقرفة او شيكولاتة او اي توبينج احنا بنحبه و بالهنا والشفا 😍
من تفاعل بإيموجي
وصفة من
وصفات مشابهة
-
-
-
دونات القطنية الملفوفة دونات القطنية الملفوفة
وصفة للأمهات اللي بيحيرو مع أولادهم بالفطار بتمنى تعجبكم
-
-
-
-
وصفات ننصحك بمشاهدتها
التعليقات (47)