مخبز المزيود
الخطوات
- 1
نضع اللوز المرحي والسكر وقشور القارص والفانيليا وعطر اللوز في قصعة ونجمع الكل بالبيض حتى تتلم العجينة وتجي طرية ما تيبسيهاش وتخليها ترتاح لمدة ساعتين او اكثر
- 2
بعد ما تريح العجينة نقوم بتشكيليها بالشكل لي حبيتي وتحطيها في البلاطو وتخليها تزيد تريح لمدة ساعتين من بعد ندخلها للفرن يكون سخون ونطيبها لمدة عشر دقائق مين ينشف البيض تاعنا برك ما طوليش عليها بالطياب باش تجي طرية
- 3
نقوم بتحضير الطلية ندير كاس حليب مع كاس ماء الزهر مع كاس عصير القارص مع كاس الزيت ونخلط بيدي ونبدا نضيف السكر الرطب بالشوية حتى نتحصل على طلية تكون تقيلة شوية باش كي نطليو المخبز تاعنا ما تسيحش ونلونها بالملون الغدائي لي نبغي من بعد نطلي المخبز تاعنا ونخليه ينشف
- 4
من بعد نروح نوجد التزيين الخاص بيه نجيب التصاور تاع المزيود وهيا موجودةفي الأسواق نقطعهم ونحطهم على جنب ونوجد البراسلييات نأخذ المول الخاص بالبراسلي ونعمرهم بالشيكولا البيضاء ونحطها تنشف في المجمد
- 5
وفي الاخير بعد ما ينشف المخبز تاعي نمسحو بالملمع الغدائي ونحط من الفوق الصورة والبراسلي لي كنت وجدتهم من قبل ونلصقهم بالغراء الغدائي باش يحكمو مليح فوق المخبز ومبروك ما زاد عندكم
وصفات مشابهة
وصفات ننصحك بمشاهدتها
التعليقات (5)