اول شي نخلط صفار البيض مع السكر بالفوي ومن بعد نحطوهم على حمام مائي بحيت الصحن ما لازمش يقيس الماء الى يغلي ونبقى نخبط حتى يبياض الخليط ونضيفلو ملعقة حليب وفانيلا ونواصل الخلط حوالي 5 دقائق حتى يذوب السكر كامل وكي يبرد شوي المزيج نضيفلو كيري والبتي سويسو نخلطو مليح.

بالخلاط نخلطو الشو نتيي مع الحليب حتى نتحصلو على كريمة متجانسة وثقيلة القوام.وفي الاخير نخلطو برفق الكريمة الاولى والثانية ونحطوهم بجنب

تاني حاجة نجيب المول البيراكس ونحطو فيه حبات البودوار اللي غطسنهاهم فالنيسكافيه حتى نديرو طبقة تغطيلنا المول كامل ومن بهظ نفرغ نصف خليط الكريمة على القاطو ونحاولو نوزعو بالتساوي ونزيد فوقه نرش بودرة الكاكاو ونعاود طبقة من البودوار ونصب عليه باقي الكريمة ونسويوها مليح ونحط ها تبات ليلة كاملة في الثلاجة

قبل التقديم نرش عليها بودرة الكاكاو وصحتين وعافية