اول شي نوجد لا ماريناد تاع الدجاج في صحن عميق نحطو طماطم مصبرة و عصير الليمون و الموطارد و ملعقتين زيت و ملعقة ملح و فلفل اسود و كاري و ثلاث سنات ثوم مرحيين و نحاولو نمزجو جميع المكونات و نوزوعها على الدجاج و م من بعد نغلفو الصحن بالفيلم الغذائي و نحطوه ساعتين الى 4 ساعات بالثلاجة

بعد ما تنقع الدجاج مليح نحطو مقلاة على النار و نحطو فيها ملعقة زبدة و زيت و نحطو الدجاج يتقلى و نحاولو نمسحوه من لاماريناد حا تدي ربع ساعة هكذاك لازم يتقلى مليح و ما تنساوش شعلو الفرن باه يسخن مليح

بعد ما تحمر الدجاج نظيفلو الخضار مقصوصة و نقليو مليح.فهاذ الوقت حطو البلاطو اللي رايح تطيبو فيه فالفور يسخن باه ما بديش معاكم وقت (الشاف استعمل بلاطو واحد فوق النار و زاد بعثو للفور). بعد ما تتقلى الخضار مليح نمرق بكاس ما سخون و نزيد معاه لا ماريناد و من بعد نفرغ في بلاطو الفرن و نغلفوه مليح بالفلم غذائي و طبقة من ورق ألومينيوم و نحطوه يطيب